Stargazing and Telescope Viewing Activity kinansela ng PAGASA
Kinansela ng PAGASA ang naka-schedule na Stargazing and Telescope Viewing Activity sa PAGASA Astronomical Observatory, UP Diliman Campus ngayong araw, August 13 dahil sa sama ng panahon.
Ayon sa PAGASA, apektado pa rin kasi ng Southwest Monsoon o Habagat ang malaking bahagi ng Luzon na maaaring magdulot ng maulap na papawirin at mga pag-ulan.
Dahil sa hindi magandang panahon na mararanasan, maaaring hindi makaranas ng clear at stable sky conditions kaya hindi rin maaaring isagawa ang outdoor astronomical activity gaya ng telescope viewing at stargazing.
Sinabi ng PAGASA na mag-aanunsyo na lamang ito ulit ng bagong schedule para sa aktibidad. (DDC)
