Former VP Binay, Robredo walang confidential funds – COA
Walang appropriations para sa confidential fund sina dating Vice President Jejomar Binay at Leni Robredo.
Ito ang dahilan ayon kay dating Commission on Audit State Auditor Roderick Wamil kaya sa panahon ng kaniyang panunungkulan sa COA-Intelligence and Confidential Funds Office ay tanging si Vice President Sara Duterte lamang ang kaniyang na-audit.
Sa kaniyang pagharap sa Day 11 ng Impeachment Trial, sinabi ni Wamil na mula 4th Quarter ng taong 2022 hanggang 3rd Quarter ng 2023 umabot sa kabuuang 500 million pesos ang na-audit niya na halaga confidential fund ng Office of the President.
Kinumpirma din ni Wamil na sa ilalim ng kaniyang panunungkulan ay tanging si VP Sara lang din ang na-audit niya na DepEd Secretary.
Dahil sina dating DepEd secretaries Armin Luistro, at Leonor Briones ay pawang walang confidential funds.
Ayon kay Wamil, umabot sa 112.5 million pesos mula 1st Quarter ng 2023 hanggang 3rd quarter ang kaniyang na-audit na halaga ng confidential funds sa DepEd. (DDC)
