4,000 benepisyaryo nakatanggap ng tig-10 kilo ng bigas sa Las Piñas

Umabot sa 4,000 na benepisyaryo sa Las Piñas City ang nakatanggap ng tig-10 kilong bigas sa ilalim ng Bawat Bayan Makikinabang Program ni Pangulong Ferdinand Marcos Jr.

Pinangunahan ni Mayor April Aguilar ang pamamahagi ng rice subsidy, kasama sina Congressman Mark Anthony Santos at Councilors Alelee Aguilar, Macky Saito, at Robert Cristobal, na nagpaabot din ng suporta sa mga benepisyaryo.

Patuloy na pinagtitibay ng Pamahalaang Lungsod ng Las Piñas ang pakikipagtulungan sa pambansang pamahalaan upang mas marami pang Las Piñero ang makinabang sa mga programang tumutugon sa kanilang pang-araw-araw na pangangailangan.

Ayon kay Mayor Aguilar nasa 35,000 na pamilyang Las Piñero ang napagkalooban ng libreng bigas ng ating gobyerno.(Bhelle Gamboa)