Dating Albay Cong. Salceda itinalaga bilang kalihim ng PLLO
May bago nang pinuno ang Presidential Legislative Liaison Office o PLLO.
Kinumpirma ni Palace Press Officer Usec Claire Castro na itinalaga ni Pangulong Ferdinand Marcos Jr si dating Albay Congressman Joey Salceda bilang PLLO Secretary.
Bago ang paghirang kay Salceda ay bakante ang nasabing posisyon sa loob ng mahigit walong buwan.
Ito ay makaraang magbitiw sa pwesto si dating Undersecretary Adrian Bersamin matapos ang pagkakadawit ng kaniyang pangalan sa flood control scandal.
Inaasahang magagamit ni Salceda ang malawak nitong karanasan sa ehekutibo at lehislatura.
Mula 2016 hanggang 2025 ay naging kinatawan ng Albay si Salceda.
Naging chief of staff din siya ni dating Pangulong Gloria Macapagal – Arroyo noong taong 2007. (DDC)
