Oportunidad at kabuhayan ng OFWs isinusulong ng K2K initiative
Mas magiging madali para sa mga OFW na makakuha ng skills training, certification, at access sa mga oportunidad para sa trabaho at kabuhayan sa ilalim ng Kaalaman Tungo sa Kabuhayan (K2K) Initiative, isang bagong programa ng pamahalaan na naglalayong palakasin ang suporta para sa kanilang reintegration at pangmatagalang pag-unlad.
Sa ilalim ng K2K Initiative, magkakaroon ng mas malinaw na mekanismo upang matukoy ang pangangailangan ng mga OFW at maiugnay sila sa mga kaukulang programa sa pagsasanay, assessment, certification, employment facilitation, at livelihood development. Saklaw din ng inisyatiba ang iba pang oportunidad para sa upskilling at reskilling upang mas mapalawak ang kanilang kakayahan at employability.
Pormal na inilunsad ang inisyatiba sa pamamagitan ng paglagda sa Joint Memorandum Circular na pinangunahan ni Department of Migrant Workers (DMW) Secretary Hans Leo J. Cacdac kasama sina Department of Labor and Employment (DOLE) Secretary Francis N. Tolentino, Technical Education and Skills Development Authority (TESDA) Secretary at Director-General Jose Francisco “Kiko” B. Benitez, at Overseas Workers Welfare Administration (OWWA) Administrator Patricia Yvonne “PY” M. Caunan.
Sa pamamagitan ng kasunduang ito, pagtitibayin ng DMW, DOLE, TESDA, at OWWA ang koordinasyon ng kanilang mga programa upang mas mapabilis at mapadali ang pag-access ng mga OFW sa mga serbisyong makatutulong sa kanilang paghahanap ng trabaho, pagtatayo ng kabuhayan, at matagumpay na reintegration pagbalik sa bansa.
Sa mensahe ni Admin PY, binigyang-diin niya na ang reintegration ay hindi lamang tungkol sa pagbabalik ng isang OFW sa bansa kundi sa pagtiyak na mayroon silang mga oportunidad upang patuloy na umunlad.
“๐๐ผ๐ฟ ๐ข๐ช๐ช๐, ๐ฟ๐ฒ๐ถ๐ป๐๐ฒ๐ด๐ฟ๐ฎ๐๐ถ๐ผ๐ป ๐ถ๐ ๐ป๐ผ๐ ๐๐ถ๐บ๐ฝ๐น๐ ๐ฎ๐ป ๐ฒ๐ ๐ถ๐/๐ฟ๐ฒ๐๐๐ฟ๐ป ๐ฝ๐ฟ๐ผ๐ด๐ฟ๐ฎ๐บ. ๐ฅ๐ฒ๐ถ๐ป๐๐ฒ๐ด๐ฟ๐ฎ๐๐ถ๐ผ๐ป ๐ถ๐ ๐๐ผ๐ฐ๐ถ๐ฎ๐น ๐ฝ๐ฟ๐ผ๐๐ฒ๐ฐ๐๐ถ๐ผ๐ป. ๐๐ ๐ถ๐ ๐ต๐ผ๐ ๐๐ฒ ๐ฒ๐ป๐๐๐ฟ๐ฒ ๐๐ต๐ฎ๐ ๐ฎ๐ป ๐ข๐๐ช’๐ ๐ท๐ผ๐๐ฟ๐ป๐ฒ๐ ๐ฑ๐ผ๐ฒ๐ ๐ป๐ผ๐ ๐ฒ๐ป๐ฑ ๐๐ถ๐๐ต ๐๐ต๐ฒ ๐ฒ๐ ๐ฝ๐ถ๐ฟ๐ฎ๐๐ถ๐ผ๐ป ๐ผ๐ณ ๐ฎ๐ป ๐ฒ๐บ๐ฝ๐น๐ผ๐๐บ๐ฒ๐ป๐ ๐ฐ๐ผ๐ป๐๐ฟ๐ฎ๐ฐ๐, ๐ฏ๐๐ ๐ฐ๐ผ๐ป๐๐ถ๐ป๐๐ฒ๐ ๐๐ต๐ฟ๐ผ๐๐ด๐ต ๐ป๐ฒ๐ ๐ผ๐ฝ๐ฝ๐ผ๐ฟ๐๐๐ป๐ถ๐๐ถ๐ฒ๐, ๐ฟ๐ฒ๐ป๐ฒ๐๐ฒ๐ฑ ๐ต๐ผ๐ฝ๐ฒ, ๐ฎ๐ป๐ฑ ๐ฎ ๐ณ๐๐๐๐ฟ๐ฒ ๐๐ต๐ฒ๐ ๐ฐ๐ฎ๐ป ๐ฏ๐๐ถ๐น๐ฑ ๐๐ถ๐๐ต ๐ฐ๐ผ๐ป๐ณ๐ถ๐ฑ๐ฒ๐ป๐ฐ๐ฒ,” ani Admin PY.
Ayon kay Admin PY, kaakibat ng pagpapatupad ng K2K Initiative ang ๐๐น๐ฎ๐ด๐ฎ๐ป๐ด ๐ข๐ช๐ช๐ ๐ฆ๐ง๐๐ฃ-๐จ๐ฃ ๐ฃ๐ฟ๐ผ๐ด๐ฟ๐ฎ๐บ, na magbibigay sa mga OFW ng access sa skills training, competency assessment, certification, at lifelong learning opportunities upang higit pang mapalawak ang kanilang kakayahan at mga oportunidad sa trabaho o kabuhayan.
Ang K2K Initiative ay bahagi ng patuloy na pagsisikap ng pamahalaan, alinsunod sa direktiba ni Pangulong Ferdinand R. Marcos Jr., na palakasin ang reintegration programs at magbukas ng mas maraming oportunidad para sa mga OFW at kanilang pamilya. (Bhelle Gamboa)
