Bangka na may kargang sako-sakong bigas na-rescue sa Sulu
Nagkasa ng search and rescue operations ang mga tauhan ng Coast Guard Station Western Sulu sa motor launch Super Inn na nagkaproblema habang naglalayag patungong Pandami, Sulu.
Lulan ng bangka ang one thousand nine hundred na sako ng bigas na dadalhin sa munisipalidad ng Pandami pero nakaranas ito ng engine failure.
Agad namang pinuntahan ng mga tauhan ng Coast Guard ang bangka at matagumpay itong nahatak patungo sa baybayin ng Pandami.
Ligtas naman ang mga crew ng ML Super Inn at hindi rin napinsala ang mga karga nitong bigas. (DDC)
