Hirit ng defense team na burahin sa rekord ang opening statement ng Prosecution Team, ibinasura ng impeachment court

Hindi pinagbigyan ng Senate Impeachment Court ang hirit ng Defense Team ni Vice President Sara Duterte na ma-strike out o mabura sa record ang opening statement ng House Prosecution Team sa second day ng Impeachment Trial.

Si House Prosecutor, Cong. Lorenz Defensor ang nag-presenta para sa Article Four ng Impeachment na may kaugnayan sa pagbabanta umano ni VP Sara sa buhay ni Pangulong Ferdinand Marcos Jr., First Lady Liza Marcos at dating House Speaker Martin Romualdez.

Sa kaniyang presentasyon, ibinahagi din ni Defensor ang nangyaring trahedya sa paaralan sa Tacloban City at sinabing ang pananagutan ay pinapairal sa lahat, bata man o matanda, nasa laylayan man o nasa katungkulan.

Pero sinabi ni Atty. Carlo Narvasa ng Defense Team, dapat ma-strike out sa rekord ang ang introduction ni Defensor dahil ito ay improper, not evidentiary in nature, at pawang konklusyon lamang.

Agad namang ibinasura ni Presiding Officer Sen. Chiz Escudero ang mosyon ni Narvasa – aniya, malinaw naman na ang inilahad ni Defensor ay opening statement lamang at hindi ito pa ito evidentiary.

Hindi rin pinagbigyan ng Impeachment Court ang hirit ng Defense Team na ma-exclude bilang testigo ang NBI agent na si John Mark Calilung. (DDC)