Tough Love ng mga magulang noon malaking tulong sa pagdisiplina sa mga bata – Sen. Lacson
Para kay Senator Panfilo Lacson iba pa rin ang pamamaraan ng pagdisiplina ng mga magulang noon.
Inalala ng senador, ang “tough love” na pamamaraan ng pagdidisiplina sa mga bata.
Ani Lacson, naranasan ng mga bata noon ang palo gamit ang sinturon, walis, at ruler.
Pero disiplinado aniya ang mga kabataan dati at pagsapit ng alas sais ng gabi ay nasa loob na ng kanilang bahay.
Dahil sa ganitong uri ng paghihigpit aniya, natuto ang mga bata ng respeto, maging responsible at may pananagutan kahit sa murang edad.
Ang pahayag ni Lacson ay kasunod ng mga insidente ng karahasan na nangyayari sa mga paaralan sangkot ang mga menor de edad. (DDC)
