Tripartite meeting isinagawa ng MMDA, LTO, at LTFRB
Isinagawa ng Metropolitan Manila Development Authority (MMDA), Land Transportation Office (LTO), at Land Transportation Franchising and Regulatory Board (LTFRB)ang Tripartite Meeting bilang bahagi ng patuloy na pagpapalakas ng koordinasyon at pagtutulungan ng mga ahensiyang may mandato sa pamamahala ng transportasyon at pagpapatupad ng batas-trapiko.
Tinalakay dito ang iba’t ibang mahahalagang usapin na may kaugnayan sa pagpapaigting ng road safety, pagpapahusay ng traffic management, pagpapatibay ng pagpapatupad ng umiiral na mga batas at regulasyon sa lansangan, gayundin ang pagbuo ng mga magkakaugnay na hakbang upang matiyak ang mas maayos, ligtas, at episyenteng sistema ng pampublikong transportasyon.
Layunin din ng pulong na palakasin ang information sharing, policy coordination, at inter-agency collaboration upang matugunan ang mga kasalukuyang hamon sa sektor ng transportasyon at makapaglatag ng mga konkretong solusyon na magbibigay ng mas mabilis at maayos na serbisyo sa publiko.
Patuloy ang pakikipagtulungan ng MMDA sa iba pang mga ahensiya ng pamahalaan upang maisulong ang mga programang naglalayong mapanatili ang kaayusan sa mga lansangan at matiyak ang kaligtasan at kapakanan ng bawat motorista, commuter, at iba pang road users. (Bhelle Gamboa)
