DepEd hihirit ng pondo para makapag-hire ng mas maraming security guards
Hihingi ng dagdag pondo ang Department of Education para makapag-hire ng mas maraming security guards sa mga pampublikong paaralan.
Ayon kay Education Secretary Sonny Angara, ihihirit nila ito sa Department of Budget and Management para mapalakas ang seguridad sa mga eskwelahan.
Aminado si Angara na kulang ang bilang ng mga security guard sa mga paaralan.
Sa ngayon kasi mayroon lang aniyang dalawangdaang plantilla positions para sa security guards gayung mayroong mahigit forty-eight thousand public schools sa bansa.
Ayon kay Angara, pangunahing prayoridad ng DepEd ang kaligtasan ng mga mag-aral. (DDC)
