GoreBox ipinapa-ban ng DICT sa Google Play

Hiniling ng Department of Information and Communications Technology o DICT sa Google na i-ban mula ang access sa online sandbox game na “GoreBox”.

Ito ay hangga’t hindi na nakapagpapatupad ng isktriktong age-verification ang online gaming app.

Ayon kay DICT Secretary Henry Aguda, dapat tiyakin ng naturang gaming platform na hindi makaka-access sa laro ang mga menor de edad.

Sinabi ni Aguda na hiniling na nila sa Google Play Store na i-block muna ang GoreBox.

Kahit kasi mayroon itong “18 and above” maturity rating ay nagagawa pa rin ng mga menor de edad na mai-download ang game sa pamamagitan ng pamemeke ng edad.

Ani Aguda, sa panig naman ng iOS ng Apple istrikto ang polisiya nito sa mga mararahas na online games. (DDC)