200 pang PDLs ng NBP nilipat sa Occidental Mindoro

Umabot sa 200 pang Persons Deprived of Liberty (PDLs) mula sa New Bilibid Prison (NBP) sa Muntinlupa City patungong Sablayan Prison and Penal Farm na matatagpuan sa Occidental Mindoro.

Ang paglililipat ay bahagi sa patuloy na hakbang ng Bureau of Corrections (BuCor) na ilipat ang inmates sa mga pasilidad na layuning resolbahin ang mga isyung may kaugnayan sa siksikan o overcrowding at pagandahin ang kabuuang prison management system.

Binigyang-diin ni Bucor Director General Gregorio Pio P. Catapang Jr. na ang tuloy-tuloy na transfers ay parte ng istatihiyang plano na maingat na ipinapatupaf bilang paghahanda sa pagsasara ng NBP sa taong 2028.

Ang NBP ay kasalukuyang pinakamalaki at pinakalumang penal institution sa bansa kung saan nahaharap sa napakatagal ng mga hamon gaya ng siksikan,sira-sirang imprastraktura, at alalahanin sa seguridad kung kaya ang mga ahensiya ng pamahalaan na pag-aralang muli ang umiiral na correctional framework.

Ang transfer sa Sablayan Prison and Penal Farm ay partikular na nabibigyan ng malaki sa kapasidad at resources ng pasilidad. Matatagpuan ang Sablayan sa Occidental Mindoro,kung saan ito ang major penal farms ng BuCor at inayos upang matanggap nito ang malaking bilang ng inmates habang nag-aalok ng vocational at agricultural training programs para sa rehabilitasyon.

Sa paglilipat ng PDLs sa mga pasilidad katulad ng Sablayan, umaasa ang BuCor na makalikha ng ng mas makatao at produktibong kapaligiran kung saan ang mga nakakulonh ay makabahagi sa mga makabuluhang aktibidad na magbibigay ng tulong sa kanila sa lipunan kapag nakalaya na.

Inihayag din ni Catapang ang unti-unting paglilipat ng PDLs sa maraming prison farms at instistusyon sa bansa na hindi lamang tugon sa overcrowding kundi maihanay din sa mas malawak na adhikain ng gobyerno na gawing moderno at decentralize ang correctional system. (Bhelle Gamboa)