Malaking “drug den” nabuwag, drug personality naaresto ng SPD, ₱734K halaga ng shabu nakumpiska sa Parañaque City
Ang Southern Police District (SPD) sa ilalim ng liderato ni District Director, BGen Glenn Oliver C. Cinco ay nagpapatuloy sa maigting na kampanya kontra ilegal na droga na nagresulta ng pagkaaresto ng dalawang drug personalities at nakumpiska ang ₱734,400.00 na halaga ng umano’y shabu sa gitna ng buy-bust operation sa Parañaque City.
Isinagawa ng mga operatiba ng Station Drug Enforcement Unit (SDEU) ng Parañaque City Police Station,sa ilalim ng superbisyon ni Col Nicolad Piñon, Chief of Police, ang maayos at planadong intelligence-driven anti-illegal drug operation sa Barangay San Isidrona ikinaaresto nng mga suspek na sina alyas “Gerard,” isang High-Value Individual, at alyas “Cristy,” isang Street-Level Individual matapos umano nilang bentahan ng ilegal na droga ang undercover police operative.
Narekober sa mga suspek 108 na gramo ng umano’y shabu, sling bag, cellphone na pinaniniwalaang ginamit sa illegal drug transaction.
Inihahanda ng otoridad ang pagsasampa ng kasong paglabag sa Comprehensive Dangerous Drugs Act of 2002 laban sa mga suspek sa Parañaque City Prosecutor’s Office.
“Ang pagkakaaresto sa isang High-Value Individual at ang pagkakasamsam ng mahigit ₱734,000 halaga ng hinihinalang shabu ay malinaw na patunay na nananatiling matatag, agresibo, at walang humpay ang ating kampanya laban sa ilegal na droga. Hindi kami mapapagod at hindi magsasawang tugisin at hulihin ang mga taong patuloy na gumagawa ng mga gawaing labag sa batas at naglalagay sa kapayapaan, kaayusan, at kaligtasan ng ating mga komunidad sa panganib. Ang panibagong malaking huli na ito ay nagsisilbing matibay na babala sa mga sangkot sa ilegal na droga na walang ligtas na kanlungan para sa kanila sa Southern Police District. Patuloy naming paiigtingin ang aming mga operasyon upang mapanagot ang lahat ng lumalabag sa batas at mapanatiling ligtas, mapayapa, at drug-free ang ating mga komunidad,” pahayag ni BGen Cinco.
Naninindigan ang SPD sa pagsuporta sa maigting na anti-illegal drug campaign ng Philippine National Police sa pamamagitan ng intelligence-driven operations, proactive law enforcement efforts, at sustenableng ugnayan sa komunidad na layuning tiyaking mas ligtas at drug-free ang mga komunidada sa katimugang Metro Manila. (Bhelle Gamboa)
