Senado bago na ulit ang liderato; Cayetano pinatalasik sa pwesto

Muling nawindang ang publiko sa panibagong ganap sa Senado.

Sa kabila kasi ng hindi pagsipot na naman ng majority bloc sa sesyon ngayong araw, naisakatuparan ang pagpapalit ng senate leadership nang magbotohan ang mga senador na patalsikin sa pwesto si Senate President Alan Peter Cayetano.

Kasunod nito ay iniluklok bilang Senate President Pro Tempore at acting senate president si Sen. Sherwin Gatchalian.

Umanib kasi si Senator Chiz Escudero sa minorya dahilan para makabuo ng labingdalawa ang bilang ng minority bloc.

Kaya naman ang dating minority group – sila na ngayon ang majority group.

Kung bibilangin kasi 10-12 na ngayon ang hatian ng dalawang paksyon sa senado – sampu sa ilalim ng mga senador na kaanib ni Cayetano at dose naman ang kabilang paksyon.

Naluklok din bilang senate majority leader si Sen. Migz Zubiri habang si Sen. Erwin Tulfo na ang iniluklok bilang chairman ng Senate Blue Ribbon Committee.

Narito naman ang iba pang senador na Nahalal bilang chairperson ng iba pang komite.

• Sen. JV Ejercito – Finance Committee
• Sen. Tito Sotto – National Defense and Security, Peace, Unification and Reconciliation
• Sen. Ping Lacson – Public Order and Dangerous Drugs, Accounts
• Sen. Erwin Tulfo – Social Justice, Welfare and Rural Development at Blue Ribbon
• Sen. Raffy Tulfo – Public Services
• Sen. Bam Aquino – Basic Education
• Sen. Kiko Pangilinan – Agriculture, Food and Agrarian Reform
• Sen. Risa Hontiveros – Health and Demography
• Sen. Lito Lapid – Games and Amusement
• Sen. Chiz Escudero – Urban Planning, Housing and Resettlement
• Sen. Migz Zubiri – Foreign Relations, at Committee on Rules