Paglitaw niya sa sesyon hindi usapin ng loyalty o betrayal – Sen. Chiz
Apektado na ang kakayahan ng senado na gampanan ang tungkulin sa bayan.
Ito ang dahilan ayon kay Senator Chiz Escudero kaya nagpasya siyang lumitaw sa sesyon ng senado.
Paglilinaw ng senador hindi ito usaping pampulitika at ang kaniyang pagpapakita sa sesyon ay hindi nangangakulugang may iniwan siyang pangkat o paksyon.
Hindi rin aniya ito usapin ng loyalty o betrayal kundi tungkol ito sa tungkulin.
Ayon kay Escudero, hindi pwedeng manatili ng ganito ang senado na hindi magawa ang mga tungkulin bilang institusyon.
Hindi rin aniya katanggap – tanggap ang kasalukuyang hindi pagkakasundo-sundo.
Hiniling din ni Escudero ang pang-unawa at panalangin ng publiko para malampasan ng Mataas na Kapulungan ang mga hinaharap na hamon. (DDC)
