Publiko hinikayat ng DA na gamitin ang online scheduling system sa pagbili ng P20/kl na bigas
Muling umapela ang Department of Agriculture sa publiko na gamitin ang online schedule system para sa 20 pesos rice program ng pamahalaan.
Ito y para maiwasan ang mahabang pila sa mga Kadiwa Store kung saan mabibili ang murang bigas.
Ang panawagan ay kasunod ng pagkasawi ng isang lolo na pumila ng maaga sa Visayas Avenue ilang oras bago pa man magbukas ang Kadiwa Store sa Bureau of Animal Industry.
Umapela din si KADIWA ng Pangulo program head at DA Assistant Secretary Genevieve Velicaria – Guevarra sa mga beneficiaries na huwag pumila ng sobrang aga sa mga distribution sites.
Sapat aniya ang suplay ng bigas para sa programa kaya hindi dapat mag-aalalang mauubusan ng alokasyon. (DDC)
