Lolo na nakapila para sa Benteng Bigas Program nasawi matapos masagasaan

Nagkasa na ng imbestigasyon ang Quezon City Police District sa pagkasawi ng isang lolo matapos masagasaan habang nakapila para sa Kadiwa Store sa Visayas Avenue.

Sa inisyal na imbestigasyon ng QCPD, alas kwatro ng madaling araw ng Miyerkules, May 20 nang mangyari ang insidente habang ang lolo ay nakapila para makabili ng bigas na bente pesos per kilo ang halaga.

Isang Nissan Navara pickup ang nakasagasa sa lolo dahilan para masawi ito.

Napinsala din ng sasakyan ang roadside signage sa lugar.

Nagpaabot ng pakikiramay ang QCPD sa mga naulila ng biktima at tiniyak din ang masusing imbestigasyon sa insidente upang mapanagot ang suspek at mabigyan ng hustisya ang nangyaring trahedya. (DDC)