HVI timbog sa Makati buy-bust; ₱476K na halaga ng shabu nasamsam

Napasakamay ng mga operatiba ng Makati City Police Station ang isang High-Value Individual (HVI) at nasamsam ang tinatayang 70 na gramo ng hinihinalang shabu na nagkakahalaga ng ₱476,000.00 sa isinagawang buy-bust operation sa Barangay Olympia, Makati City kaninang umaga.

Ang suspek ay kinilalang si alyas Jhon-Jhon, 51-anyos, residente n Constancia Street, Brgy. Olympia sa nasabing lungsod.

Sa isinagawang operasyon ng mga tauhan ng Station Drug Enforcement Unit (SDEU) sa ilalim ng liderato ng Col Pedro Alagano Jr., Chief of Police ng Makati CPS, nakumpiska ang umano’y ilegal na droga, buy-bust money, mobile phone, at ilang personal na gamit mula sa suspek na nagresulta ng agarang pagkadakip.

Si alyas Jhon-Jhon ay nasa kustodiya ngayon ng pulisya at sasampahan ng kasong paglabag sa Comprehensive Dangerous Drugs Act of 2002.

“The success of this operation reflects our continuing commitment to intensify the campaign against illegal drugs and dismantle the activities of drug personalities operating in Southern Metro. We will remain relentless in pursuing individuals involved in the illegal drug trade to keep our communities safe,” sabi ni BGen Glenn Oliver Cinco, District Director ng Southern Police District (SPD). (Bhelle Gamboa)