Sanggol sa QC pumanaw sa tigdas
Kinumpirma ng Quezon City LGU ang pagkasawi ng isang apat na buwang gulang na sanggol sa lungsod dahil sa tigdas.
Ayon sa QC Epidemiology and Surveillance Division, ito ang kauna-unahang measles-related death sa lungsod ngayong taon.
Ang sanggol ay mula sa Barangay Loyola Heights at nagsimulang makaranas ng sintomas gaya ng lagnat, ubo, pamumula ng mata, at pantal noong March 21.
Sa kabila ng agarang gamutan, mabilis na lumala ang kondisyon ng bata at hanggang sa binawian ito ng buhay.
Ayon sa medical report, pinaniniwalaang tigdas na nagkaroon ng komplikasyon ng pneumonia ang ang sanhi ng pagkasawi ng sanggol.
Agad namang nagsagawa ang LGU ng field epidemiologic investigation, outbreak response immunization at active case finding upang mapigilan ang posibleng pagkalat ng sakit. (Dona Dominguez-Cargullo)
