Hindi pagbibigay ng discount sa LRT-1 kinuwestyon ng mambabatas
Kinalampag ni Akbayan Partylist Rep. Perci Cendaña ang pamunuan ng LRT-1 dahil sa hindi nito pagbibigay ng diskwento sa mga pasahero.
Ang LRT-1 ay pinatatakbo ng private operator na Light Rail Manila Corporation o LRMC.
Ayon kay Cendaña, natapos na ang Holy Week subalit hanggang ngayon hindi pa din nagbibigay ng diskwento sa pasahe sa LRT-1.
Ang MRT-3 at LRT-2 ay kapwa nagkakaloob ng fifty-percent discount sa lahat ng mga pasahero.
Nauna nang ipinanawagan din ni Cendaña na gawing libre na ang pamasahe sa LRT at MRT kaysa magbigay lang ng diskwento.
Aniya, kung hindi naman kakayaning ilibre ang pamasahe para sa lahat ng commuter, ilibre na lang muna ang sakay para sa mga PWDs, senior citizens at mga estudyante sa lahat ng LRT at MRT stations. (Dona Dominguez-Cargullo)
