Bus companies may 10 percent discount sa pasahe ngayong Holy Week
Inaprubahan ng Land Transportation Franchising and Regulatory Board ang hirit ng malalaking bus companies na makapagbigay ng 10 percent discount sa lahat ng pasahero nilang bibiyahe mula Black Friday hanggang Easter Sunday.
Ayon kay LTFRB Chairperson Atty. Vigor Mendoza II kabilang sa magbibigay ng diskwento ang mga pampasaherong bus sa ilalim ng Yanson Group of Bus Companies.
Kasama dito ang sumusunod na mga kumpanya na may mga ruta sa Visayas at Mindanao:
Vallacar Transit
Bachelor Express
Rural Transit Mindanao
Mindanao Star Bus Transport
Love Transport Express Mindanao
Southern Bus Star
Sugbo Urban Transit
Lov Visayas Transport Express
Kasama din sa may discount ang Golden Bus Transit at Ceres Transport na parehong may nationwide operation.
Una nang humirit ang Yanson Group of bus companies sa LTFRB na payagan silang magbigay ng 10 percent blang pakikiisa sa panawagang Bayanihan ngayong marami sa mga mamamayan ang hirap dahil sa taas ng presyo ng langis at bilihin.
Nagpasalamat naman si Mendoza sa hakbang na ito ng mga kumpanya ng bus na malaking tulong aniya sa mga pasahero. (DDC)
