Walong tsuper nagpositibo sa drug test sa mga terminal sa Western Visayas
Nagkasa ng surprised drug testing operation ang Land Transportation Office sa mga pangunahing terminal sa Western Visayas para matiyak ang ligtas na biyahe ng mga pasahero ngayong Holy Week.
Ayon sa LTO-Region 6 sa ikinasang “Oplan Harabas” katuwang ang PDEA, mahigit one thousand three hundred na driver at konduktor ang isinailalim sa random drug testing.
Sa nasabing bilang, isang driver ng jeep, limang tricycle driver, at dalawang taxi driver ang nagpositibo sa drug test.
Kinumpiska na ang kanilang driver’s license at sasailalim sila sa confirmatory testing.
Isinagawa ang drug testing at inspeksyon sa mga terminal sa Aklan, Antique, Capiz, at Iloilo. (DDC)
