Baybaying dagat sa ilang lugar sa Zamboanga at Eastern Visayas

Nananatiling positibo sa Red Tide toxins ang baybaying dagat sa ilang lalawigan sa Mindanao at Visayas.

Ayon sa update mula sa Bureau of Fisheries and Aquatic Resources (BFAR), positibo pa rin sa nakalalasong Red Tide ang mga shellfish na nakulekta mula sa baybayin ng Dumanquillas Bay sa Zamboanga del Sur; coastal waters ng Daram Island sa Samar; Matarinao Bay sa Eastern Samar; at coastal waters ng Tungawan sa Zamboanga Sibugay.

Ang red tide na nakita mula sa mga shellfish na kinulekta sa nasabing mga lugar ay lagpas sa itinakdang regulatory limit.

Samantala, positibo na din sa red tide ang baybayin ng Leyte, Leyte.

Lahat ng uri ng shellfish kabilang ang alamang na makukuha sa nasabing mga lugar ay hindi ligtas kainin.

Nananatili namang ligtas kainin ang mga isda, pusit, hipon at alimango.

Idinekara naman na ng BFAR bilang red tide free ang Irong-Irong Bay sa Samar. (DDC)