China nag-deploy muli ng barko malapit sa baybayin ng Zambales

Isa na namang barko ng China ang namataan malapit sa baybayin ng Zambaes.

Ayon kay Philippine Coast Guard (PCG) spokesperson for the West Philippine Sea Commodore Jay Tarriela, nasa Zambales ngayon ang BRP Suluan na isang 44-meter multi-role and response vessel bilang kapalit ng BRP Gabriela Silang.

Base sa monitoring ng Coast Guard, ang CCG 3304 ng China ay pinalitan ng panibagong barko na may bow number na 3103.

Ayon kay Tarriela, sa kabila ng malakas na hangin na nagdudulot ng malalaking alon patuloy ang ginagawang close monitoring ng BRP Suluan sa lugar.

Ito ay para mapigilan ang CCG-3103 na lumapit pa sa baybayin ng Zambales.

Ayon kaky Tarriela, ang CCG-5901 ay nasa 113 nautical miles mula sa Zambales at ito ay nasa loob ng Exclusive Economic Zone (EEZ).

Patuloy din ang pagsasagawa ng radio-challenged ng Coast Guard para igiit sa barko ng China na ilegal ang pananatili nito sa lugar at lumalabag ito sa Philippine Maritime Zones Act, United Nations Convention on the Law of the Sea (UNCLOS), at sa 2016 Arbitral Award. (DDC)