C-5 Extension Quirino flyover sa Las Piñas City, binuksan na
Binuksan na ng Department of Public Works and Highways (DPWH) sa motorista ang C-5 Extension Quirino flyover sa Las Piñas City, ngayong araw ng Miyerkules, April 24.
Ayon sa DPWH ang bagong flyover ay mayroong lapad na 9.82 linear meters na may kabuuang haba na 680 linear meters.
Sa pamamagitan ng binuksang flyover ay inaasahang mapapabilis nito ang biyahe ng mga motorista patungong Sucat Parañaque, Coastal Road at Las Piñas na makatutulong na maibsan ang matinding trapiko sa lugar.
Tumagal ng mahigit tatlong taon ang konstruksiyon ng nasabing tulay kung saan umabot sa P300.39 million ang ginastos ng gobyerno para maitayo ang dalawang linyang daanan. (Bhelle Gamboa)
