Liberal Party nagpaabot ng pakikiramay sa pagpanaw ni Rene Saguisag

Nagpaabot ng pakikiramay ang Liberal Party sa pagpanaw ng dating senador na si Rene Saguisag.

Sa pahayag sinabi ni Liberal Party Spokesperson Leila De Lila na si Saguisag ay kasama sa mga tumindig laban sa pang-aabuso noong panahon ng Batas Militar.

Bilang miyembro ng Partido Liberal, itinaas aniya ni Saguisag ang pamantayan para sa mga nasa serbisyo-publiko, hindi lamang sa pamamagitan ng mga iniakda niyang batas, kundi pati na rin sa personal niyang pagtupad ng kanyang sinumpaang tungkulin.

Ani de Lima, hindi matatawaran ang naging ambag ni Saguisag sa pagsusulong ng demokrasya, karapatang pantao, at hustisyang panlipunan. (DDC)