Dating senador Rene Saguisag pumanaw na
Pumanaw na ang dating senador at human rights advocate na si Rene Saguisag.
Sa pamamagitan ng post sa Facebook, inanunsyo ng kaniyang pamilya ang pagpanaw ng dating senador.
Sa post ni Atty. Rebo Saguisag, humingi ito ng privacy habang ang kanilang pamilya ay nagluluksa sa pagpanaw ng dating senador.
Inalala ni Atty. Rebo ang pagiging dedicated public servant, at human rights advocate ni Saguisag.
Aniya ang kasanayan sa batas ni Saguisag ay ginamit nito sa pagsisilbi sa mahihirap sa pamamagitan ng pagbibigay ng libreng serbisyo sa mga nangangailangan. (DDC)
