Grass fire dulot ng matinding init ng panahon posibleng pinagmulan ng sunog sa parking area sa NAIA
Grass fire na dulot ng matinding init ng panahon ang posibleng pinagmulan ng sunog sa parking area sa Ninoy Aquino International Airport (NAIA) Terminal 3.
Nakikipag-ugnayan na ang Manila International Airport Authority (MIAA) sa pribadong kumpanya na operator ng parking area.
Ayon sa report ng Bureau of Fire Protection (BFP), nagsimula ang sunog 1:35 ng hapon ng Lunes, Apr. 22 at naideklarang fire out 2:03 ng hapon.
Sa 19 na sasakyan na naapektuhan ng sunog, 18 ang totally burned at 1 ang partially burned.
Isinara pansamantala ang naturang parking area Martes (Apr. 23) ng umaga kasunod ng nangyaring sunog. (DDC)
