23 arestado sa ilegal na sabungan sa Infanta, Quezon

Huli ang dalawampu’t tatlong indibidwal ng lokal na pulisya ng salakayin ang isang iligal na sabungan sa Purok Centro, Barangay Dinahican, Infanta, Quezon, kahapon ng hapon, Abril 21, 2024.

Isinagawa ang operasyon ng pinagsanib na pwersa ng Infanta MPS kasama ang RMFB PRO4A at 1st QPMFC, 4th Platoon bandang alas 4:30 ng hapon.

Kasalukuyang nasa kustodiya ng Infanta MPS ang mga suspek at nahaharap sa kasong paglabag sa Presidential Decree 1602, o ang ipinagbabawal na iligal na aktibidad na “tupada”.

Ang ipinagtataka ngayon ng mga taga Infanta sa tagal na umanong panahon bakit walang prangkisa ang naturang sabungan samantalang meron namang business permit na inisyu ang munisipyo dito. (JR Narit)