PBA Player na si Raymond Almazan humingi ng paumanhin sa pagdaan sa EDSA Busway

Humingi ng pamumahin sa Department of Transportation (DOTr) ang manlalaro ng koponang Meralco Bolts sa PBA na si Raymond Almazan dahil sa pagdaan nito sa EDSA busway noong April 15, 2024.

Hinarang ng mga tauhan ng Special Action and Intelligence Committee for Transportation ang sasakyan ni Almazan dahil sa paggamit ng EDSA busway lane.

Tinangka pa nga ng PBA player na suhulan ang mga operatiba na humuli sa kaniya.

Sa pagtungo sa tanggapan ng DOTr, inamin ni Almazan ang pagkakamali at aminadong nagsisisi sa nangyari lalo at nag-viral pa ang paglabag niya sa traffic rules.

Ayon kay Undersecretary for Road Transport and Infrastructure Jesus Ferdinand Ortega, patunay lamang ito na pantay-pantay po ang pagtingin sa mga violators.

Pinuri din ni Ortega si Almazan sa pagpapakumbaba nito sa pamamagitan ng paglapit sa DOTr at paghingi ng paumanhin. (DDC)