15 sugatan sa aksidente sa loob ng Universal Studios sa LA

Sugatan ang labinglimang katao sa aksidente sa theme park sa Los Angeles sa USA.

Rumesponde ang mga tauhan ng Los Angeles County Fire Department sa Universal Studios Hollywood matapos ang aksidente sa loob ng theme park.

Ayon sa mga otoridad, nagkaroon ng mechanical failure ang isang “tram” dahilan para bumangga ito.

Ang ilan sa mga pasaherong sakay ng tram ay nahulog at nagtamo ng sugat.

Agad namang nadala sa ospital ang mga nasugatan.

Ang “tram” ay isa sa mga popular na rides sa Universal Studios kung saan ang mga bisita ay ipinapasyal sa theme park. (DDC)