Pang. Marcos hindi ‘under de saya’ ayon kay First Lady Liza Marcos

Pinabulaanan ni First Lady Liza Marcos ang mga ulat na under de saya si Pangulong Ferdinand “Bongbong” Marcos Jr.

Sa panayam ng mamahayag na si Anthony Taberna, sinabi ni First Lady Liza na kung totoong “under de saya” ang pangulo, hindi niya sana iniwan ang kanyang law firm na Marcos and Associates.

Ayon kay First Lady Liza, hindi niya kinokontrol at pinapakialaman ang mga desisyon ng pangulo lalo na sa mga polisiya at appointments.

Inihalimbawa rin ni First Lady Liza ang desisyon ni Pangulong Marcos na ipadala sa boarding school ang mga anak sa London para mag-aral.

Ayon sa Unang Ginang, masakit para sa kaniya bilang ina ang pasyang iyon ng pangulo.

Binalaan din ni First Lady Liza ang mga nag-aakusa na pinapakialaman niya ang mga presidential appointees. (DDC)