Mahal namin ang “Showtime”, huwag niyo kami pagsabungin – Joey de Leon

Nilinaw ni Joey de Leon na hindi ang programang It’s Showtime ang kaniyang pinatatamaan nang sabihin niyang luluhod siya kapag umabot ito ng labinglimang taon sa ere.

Kalat sa Twitter ang screengrab mula sa Gimme 5 segment ng Eat Bulaga kung saan binanggit ni Joey de Leon ang mga naiinggit dahil hindi napasama sa Top 5 Longest Running TV Shows in the World.

Kasunod ito ay naghamon si Joey na kung aabot sila ng 15-years ay luluhod siya sa harap ng mga ito.

PInagpiyestahan ito ng mga netizen lalo at ipagdiriwang na ng “It’s Showtime” ang ika-15 anibersaryo nito sa October 2024.

Ayon sa beteranong TV Host, mahal ng Eat Bulaga ang Showtime kaya hindi sila dapat pagsabungin.

Ang pinatutungkulan aniya sa kaniyang pahayag ay ang mga nagpo-post sa social media at nagsasabing ang Eat Bulaga ay dapat ng magsara.

Hahaba pa ‘to eh ‘yung ba nilalagyan na ng kulay pinagsasabong pa kami, dadalawa na lang kaming lunch shows, we love each other mahigit isang dekada na kaming magkapitbahay,” ayon kay Joey. (DDC)