P3.4M na halaga ng shabu nakumpiska sa mall sa Parañaque City; 3 suspek arestado

Nakumpiska ng mga operatiba ng Philippine Drug Enforcement Agency (PDEA) District Office-National Capital Region at Parañaque City Police ang tinatayang 500 na gramo ng hinihinalang shabu na nagkakahalaga ng P3,400,000.

Nagresulta ang operasyon sa pagkakadakip sa tatlong suspek.

Sa inisyal na ulat ng PDEA, ikinasa ang buy-bust operation sa parking basement ng isang mall sa Bicutan, Brgy. Don Bosco sa nasabing lungsod.

Nadakip ang mga suspek na hindi pa pinangalanan, sakay ng isang itim na kotsebat nakumpiska ang naturang ilegal na droga.

Inihahanda na ng otoridad ang kasong paglabag sa RA 9165 o Comprehensive Dangerous Drug Act of 2002 laban sa tatlong suspek. (Bhelle Gamboa)