Bahagi ng Sales Road sa Pasay City isinara sa mga motorista dahil sa nakitang sinkhole

Isinara ng Metropolitan Manila Development Authority (MMDA) ang bahagi ng Sales Road sa Pasay City matapos na may makitang malaking butas o sinkhole.

Inabisuhan ng MMDA ang mga motorista na iwasan ang bahagi ng Sales Road Villamor Gate 3 East Bound lane.

Isang sinkhole kasi ang nakita sa gitnang bahagi ng nasabing kalsada.

Pansamantala ay nilagyan ito ng barriers at ttaffic cones.

Dalawang linya ng kalsada ang apektado habang nagsasagawa ng repair ang Department of Public Works and Highways (DPWH). (DDC)