Lalaki arestado matapos mambato ng bus sa EDSA Busway sa Pasay City

Arestado ang isang lalaki na nambato ng pampasaherong bus sa Taft station ng EDSA busway sa Pasay City.

Ayon sa report ng Special Action and Intelligence Committee for Transportation (SAICT), naglalakad ang suspek sa bus lane nang bigla nitong hinagisan ng bato ang Bataan Transit Bus.

Lulan noon ng bus ang 52 pasahero..

Napag-alaman ng mga otoridad na nakainom ang suspek.

Nagkataon naman na isa sa mga pasahero ng binatong bus ay tauhan ng Special Action and Intelligence Committee for Transportation o SAICT.

Agad bumaba sa bus si Coast Guard SN2 Fahar Hassan at hinabol ang suspek.

Nang maaresto ay dinala ang suspek sa police station kung saan siya ipaghaharap ng reklamong ‘malicious mischief’.

Ligtas naman ang mga pasahero at wala din malubhang nasugatan sa nangyaring insidente. (DDC)