Isa pang smuggled luxury car isinuko na sa Customs

Matapos ang dalawang linggong paghahanap ay natunton na ng mga otoridad ang kinaroroonan ng isa pang smuggled na sports car.

Naglunsad ng search operation ang mga otoridad kasunod ng apela ng publiko hinggil sa dalawang smuggled luxury cars na namamataan sa Pasig City, Pasay City, Muntinlupa at Cavite.

Ayon kay Customs Commissioner Bienvenido Y. Rubio, kusang sumuko sa Customs Intelligence and Investigation Service (CIIS) ang may-ari ng kulay blue na Bugatti Chiron.

Isinilbi ang warrant of seizure and detention sa kinatawan ng may-ari ng sasakyan na natagpuan sa Muntinlupa City.

Dinala ang sasakyan sa Port of Manila.

Ang nasabing sasakyan ay tinatayang nagkakahalaga ng P165 million.

Mahaharap ang may-ari nito sa kasong paglabag sa g Section 1401 in relation to Section 1113 of the Customs Modernization and Tariff Act (CMTA).

Noong Feb. 9, una ng isinuko sa BOC ang kulay pula na Bugatti Chiron na nakita din sa isang bahay sa Ayala Alabang Village sa Muntinlupa City. (DDC)