Pagtatapos ng School Year 2023-2024 mas pinaaga ng DepEd

Mas pinaaga ng Department of Education (DepEd) ang pagtatapos ng School Year 2023-2024 bilang paghahanda sa layunin na unti-unting maibalik ang school break sa buwan ng Abril at Mayo.

Sa iniabas na DepEd Order No. 003, series of 2024, ang end of school year ay sa May 31, 2024.

Ang mga EOSY Rites gaya ng graduation at recognition ay kailangang isagawa mula May 29 hanggang 31.

Itinakda naman ang school break sa June 1 hanggang July 26, 2024.

Para naman sa pagbubukas ng klase sa School Year 2024-2025, itinakda ng DepEd ang Brigada Eskwela sa July 22 hanggang July 27.

Habang pormal na magsisimula ang klase sa July 29. (DDC)