Panahon ng Habagat natapos na ayon sa PAGASA
Natapos na ang pag-iral ng Southwest Monsoon o Habagat sa bansa.
Ayon sa PAGASA, sa nakalipas na mga araw ay naobserbahan ang tuluyan ng paghina ng Habagat, habang lumalakas naman ang high-pressure system sa East Asia.
Sinabi ng PAGASA na ang bansa ay nasa transition na ngayon patungo sa pag-iral ng Northeast Monsoon o Amihan.
Sa mga susunod na linggo, inaasahang idedeklara na ng PAGASA ang pormal na pag-iral ng Amihan.
Dahil naman sa El Niño, sinabi ng PAGASA na maaring makaranas ng below-normal rainfall condition na maaaring magdulot ng tagtuyot sa ilang panig ng bansa. (DDC)
