Justin Brownlee bumagsak sa doping test ayon sa ITA

Bumagsak umano sa doping test para sa Asian Games si Gilas Pilipinas star player na si Justin Brownlee.

Ayon sa International Testing Agency (ITA), ang sample na kinulekta mula kay Brownlee ay mayroong ‘Carboxy-THC” na kasama sa listahan ng mga ipinagbabawal ng World Anti-Dopping Agency.

Ang sample ay kinulekta kay Brownlee noong Oct. 7.

Ayon sa ITA, naipaalam na kay Brownlee ang resulta ng test at maaari siyang mag-request para maisailalim sa analysis ang B-samples.

Ang manlalaro ng koponan ng Jordan na si Sami Bzai ay bumagsak din sa doping test.

Ayon sa ITA, ang sample na kinulekta kay Bzai noon ding Oct. 7 ay mayroong dehydrochloromethyl-testosterone metabolite. (DDC)