Patuloy na paglaganap ng text scam sa kabila ng pagkakaroon ng SIM Registration Law paiimbestigahan sa Senado

Nais ni Senator Grace Poe na maimbestigahan ng senado ang patuloy na paglaganap ng text scam sa kabila ng pagpapatupad na ng SIM Registration Law.

Naghain si Poe ng Senate Resolution 745 dahil sa patuloy pa ring pagkalat ng text scams at umano ay paggamit sa SIM card para sa ilegal na operasyon ng Philippine Offshore Gaming Operators (POGOs).

Inihalimbawa ni Poe ang pagkakadiskubre sa libu-libong SIMs sa sinalakay na POGO establishments kamakailan.

Ayon kay Poe kasama pang nakumpiska sa raid na ginawa sa Pasay City ang 28,000 na rehistradong SIM.

Nais ni Poe na mahingan ng paliwanag ang telecommunication companies at mga implenting agencies ng SIM Registration Law. (DDC)