Pilipinas mayroon ng 46 na gintong medalya sa SEA Games

Muling umakyat sa pang-limang puwesto ang Pilipinas sa medal tally sa nagpapatuloy na Southeast Asian Games na ginaganap sa Cambodia.

Siyam na gintong medalya ang nahakot ng mga atleta ng Pilipinas sa buong araw ng Linggo.

Kabilang sa mga nagwagi ng gintong medalya ang mga manlalaro ng Pilipinas sa boxing, arnis, judo, wrestling, weightlifting, at esports.

Hanggang umaga ng Lunes, May 15, ang Pilipinas ay mayroon nang 46 gold medals, 72 silver medals at 86 bronze medals.

Nangunguna naman sa medal tally ang Vietnam, kasunod ang Thailand, Indonesia at Cambodia. (DDC)