Southbound ng EDSA-Kamuning flyover isasara sa mga motorista sa loob ng 30-araw

Simula sa June 25, araw ng Sabado ay isasara na sa loob ng 30-araw ang lahat ng linya sa EDSA-Kamuning flyover southbound.

Ito ay para maisagawa ang road repair sa nasabing kalsada ayon sa Metropolitan Manila Development Authority (MMDA).

Magsisimula ang pagsasara ng kalsada 6:00 ng umaga sa June 25.

Ayon kay MMDA Chairman Romando Artes, hiniling ng Department of Public Works and Highways (DPWH) na maisara ang nasabing kalsada ng isang buwan para matapos ang repair.

Ito ay matapos matignan ng DPWH ang mga crack sa bahagi ng flyover.

Sinabi ni Artes na mano-manong babakbakin ang semento dahil hindi maaring gamitan ng heavy equipment.

Lahat ng sasakyan na pa-southbound ay sa ilalim na ng flyover dadaan. (DDC)