72 percent growth rate sa COVID-19 sa NCR naitala sa nakalipas na isang linggo

Nakapagtala ng 72 percent sa growth rate sa kaso ng COVID-19 sa National Capital Region sa nakalipas na isang linggo.

Ayon kay OCTA Research fellow Dr. Guido David, tumaas sa 225 ang naitalang 7-day average ng kaso ng COVID-19 sa NCR mula June 14 hanggang June 20 kumpara sa 131 lamang noong nakaraang linggo.

Sa kabila nito sinabi ni David na nananatiling nasa “low” na 22 percent ang COVID hospital occupancy sa Metro Manila.

Sa forecast ng OCTA research, mananatiling manageable ang hospital bed occupancy.

Hindi rin magkakaroon ng pagtaas sa alert level sa ganitong pagkakataon. (DDC)