Dalawang pulis patay sa engkwentro sa NPA sa Northern Samar

Nasawi ang dalawang pulis sa engkwentro sa mga miyembro ng New People’s Army (NPA) sa Gamay, Northern Samar.

Kinilala ng Philippine National Police (PNP) ang dalawang nasawi na sina Pat. Franklin Marquez at Pat. Jimmy Caraggayan.

Ang dalawa ay kapwa tinamaan ng pinasabog na Improvised Explosive Device (IED).

Ayon kay PNP Chief General Dionardo Carlos, nagsasagawa na ng follow-up investigations para maaresto ang mga tumakas na Communist Terrorist Group.

Nagpaabot naman ng pakikiramay si Carlos sa mga naulila ng dalawang pulis.

Tiniyak din nito ang tulong-pinansyal sa pamilya na naiwan ng dalawa. (DDC)