Red warning itinaas ng PAGASA sa Zambales at Bataan; orange warning nakataas sa Metro Manila
Itinaas ng PAGASA ang heavy rainfall warning sa Metro Manila at mga kalapit na lalawigan sa Luzon.
Sa inilabas na abiso ng PAGASA, red warning ang nakataaas sa Zambales at Bataan alas 2:00 ng umaga ngayong Huwebes (July 22) dahil sa pag-ulan na dulot ng Habagat.
Orange warning naman ang itinaas sa Metro Manila, Tarlac, Pampanga, at Bulacan.
Yellow warning naman ang itinaas sa Rizal, Cavite, Batangas, Nueva Ecija at Laguna.
Samantala, nakararanas naman ng mahina hanggang katamtaman at kung minsan ay malakas na pag-ulan sa Quezon. (BVD)
