DOH nakapagtala ng dagdag na 12 Delta variant cases
May naitalang labingdalawa pang Delta variant ng COVID-19 ang Department of Health (DOH).
Ayon sa datos ng DOH mayroon na ngayong 47 Delta variant cases sa bansa.
Ang labingdalawang bagong Delta variant cases ay mula sa Central Luzon (6 cases), Metro Manila (3 cases), Calabarzon (2 cases) at sa Bicol (1 case).
Ayon sa DOH, pawang naka-recover naman na o gumaling na ang 12 bagong naitalang kaso.
Maliban sa Delta variant cases nakapagtala din ng 187 na bagong Alpha variant, 142 na Beta variant, at 12 na P.3 variant.
