Pitong katao nasawi sa boat accident sa Indonesia dahil sa pagse-selfie

Bumaligtad ang isang bangka na puno ng mga pasahero sa Java Island sa Indonesia.

Ayon sa mga otoridad, pito ang nasawi sa nasabing insidente.

Ayon kay Central Java police chief Ahmad Lutfi, bumaligtad ang bangka matapos na lahat ng 20 sakay nito ay magtungo sa kanang bahagi para sa groupie o para sa pagpapa-picture.

Sobra-sobra din ang sakay ng bangka para sa kapasidad nito.

Nailigtas ang 11 sakay ng bangka habang 7 naman ang binawian ng buhay.

Patuloy pa ang paghahanap sa 2 pa.