P5.8M na halaga ng shabu nakumpiska sa Eastwood Greenview sa Montalban
Aabot sa P5.8 million na halaga ng ilegal na droga ang nakumpiska ng mga otoridad sa isang drug suspect sa Eastwood Greenview, Montalban, Rizal.
Ikinasa ng mga tauhan ng Station Drug Enforcement Unit (SDEU) ng Marikina City Police ang operasyon katuwang ang PDEA sa Blk 17, Lot 4 Phase 1, Eastwood Greenview.
Sa nasabing operasyon, naaresto ang babaeng suspek na si Raona Ala, 37 anyos habang nailigtas naman ang isang menor de edad.
Sa ikinasang buy-bust operation isang pulis ang umakto bilang poseur buyer at nakipagtransaksyon sa suspek.
Nakumpiska sa suspek ang tinatayang 860 grams ng hinihinalang shabu na mayroong estimated DDB value na P5,848,000.
Mahaharap ang suspek sa kasong paglabag sa Sec 5 (Selling) at Aec 11 (Possession of Dangerous Drugs) ng RA 9165 habang ang nailigtas na menor de edad ay nasa CSWD Marikina.
