Ambulansya tumagilid sa EDSA matapos mabangga ng taxi

Isang ambulansya ang tumagilid sa kahabaan ng EDSA sa bahagi ng Timog Avenue sa Quezon City.

Ito ay makaraang mabangga ito ng taxi pagsapit sa intersection.

Nangyari ang aksidente Linggo (May 16) ng umaga.

Walang sakay na pasyente ang taxi dahil susundin pa lamang sana nito ang pasyenteng sasailalim sa dialysis.

Paalala naman ni MMDA EDSA Traffic Head Bong Nebrija sa ga motorista, kahit naka-Go ang traffic sign kailangang magpaubaya kung mayroong dadaan na ambulansya.

Lagi aniyang prayoridad ang ambulansya sa ilalim ng Rules of the Road.

Importante din ayon kay Nebrija na huwag masyadong mabilis ang patakbo ng mga sasakyan lalo na kung sasapit sa intersection.